🇺🇿 IT Education Association jamoasi tashkiliy qo’mita a’zolari bilan birga Xalqaro Informatika Olimpiadasi (IOI) qo’mitasi vakillarini kutib oldilar

Uchrashuv davomida IT Education Association hamda IOI qoʻmitasi vakillari Oʻzbekistonda ilk bor oʻtkaziladigan 38-Xalqaro Informatika Olimpiadasi (IOI 2026)ni yuqori saviyada tashkil etish bilan bogʻliq barcha asosiy tashkiliy masalalarni muhokama qildilar. Tadbir dasturi, ishtirokchilar uchun yaratiladigan sharoitlar va hamkorlikning muhim yoʻnalishlari yuzasidan samarali fikr almashildi.

Biz Oʻzbekiston tarixida ilk bor oʻtkaziladigan ushbu nufuzli xalqaro tadbirning bir qismi ekanimizdan faxrlanamiz va IOI 2026'ni eng yuqori darajada tashkil etish yoʻlida hamkorlarimiz bilan birgalikda ishlashda davom etamiz.