Barqaror rivojlanish tamoyillariga asoslangan hamda milliy va umuminsoniy taraqqiyotga hissa qo‘shadigan zamonaviy ta’lim, fan va ishlab chiqarish ekotizimini rivojlantirish.

Boy an’analar va xalqaro miqyosdagi e’tirofga ega yetakchi ta’lim muassasasi sifatida jamiyat farovonligi yo‘lida fan va texnologiyalarni rivojlantirish, shuningdek, ularning asosiy harakatlantiruvchi kuchi bo‘ladigan kelajak liderlarini tayyorlash.

TATU respublikamizda ham, xalqaro miqyosda ham boy tarixiy an’analarga ega nufuzli universitet sifatida e’tirof etilgan. Bizning maqsadimiz — jamiyatimiz farovonligi yo‘lida fan va texnologiyalarni rivojlantirishni davom ettirish. Biz innovatsion va texnologiyaga yo‘naltirilgan yondashuvlar orqali mamlakatimiz kelajagini shakllantirishga intilamiz. O‘z tariximizga tayangan holda jamiyat oldidagi mas’uliyatimizni, shuningdek, ilmiy-tadqiqot va ta’lim faoliyatimizda axloqiy hamda insonparvarlik tamoyillariga sodiqligimizni chuqur anglaymiz. Aniq fanlar sohasidagi tadqiqot va ta’lim gumanitar hamda ijtimoiy fanlar bilan chambarchas bog‘liq ekanini e’tirof etamiz. Fan va ta’lim sohasidagi barcha sa’y-harakatlarimiz xalqimiz manfaatlariga xizmat qilishga qaratilgan. Universitetimiz professor-o‘qituvchilari gender tengligini ta’minlash, oilaviy ta’limni rivojlantirish va mehnat sharoitlarini yaxshilashga faol hissa qo‘shmoqda. Biz universitetning barcha xodimlari uchun teng imkoniyatlarni ta’minlaymiz hamda kamsitishning har qanday shakliga qat’iy qarshimiz. Shuningdek, ta’lim va ilmiy faoliyatda dunyoqarash va fikrlar xilma-xilligi tamoyillarini qo‘llab-quvvatlaymiz.

Biz keng ko‘lamli fan yo‘nalishlarini qamrab olgan, dolzarb va amaliyotga yo‘naltirilgan tadqiqotlarga asoslangan ilmiy muhitni yaratamiz hamda ilmiy hamkorlarimiz bilan barcha darajalarda tadqiqot aloqalarini rivojlantiramiz. Ilmiy tashabbuslarimiz real muammolarni hal etishga yo‘naltirilgan bo‘lib, ilmiy yangiliklarimiz va yechimlarimizni amaliyotga tatbiq etish, shuningdek, ularning jamiyat rivojiga qo‘shadigan hissasini ta’minlashga xizmat qiladi. Biz fanlararo hamkorlikka sodiqmiz, chunki turli nuqtayi nazar va tajribalarni integratsiya qilish yanada samarali va innovatsion yechimlarni ishlab chiqishga olib keladi.

TATU talabalarni yuqori malakali mutaxassis bo‘lib yetishishlari uchun zarur bo‘lgan akademik bilimlar bilan ta’minlaydi. Mutaxassislik bo‘yicha uzluksiz ta’lim universitet hayotining ajralmas qismi bo‘lib, butun umr davomida ta’lim olish va ilmiy tadqiqot olib borish uchun mustahkam asos yaratadi. Innovatsiyalar barqaror rivojlanish strategiyamizning asosiy ustuvor yo‘nalishlaridan biridir. Biz professor-o‘qituvchilar malakasini muntazam oshirish, shuningdek, o‘qituvchilar va talabalar o‘rtasidagi samarali hamkorlikni ta’minlash orqali ta’lim sifatini doimiy ravishda oshirib boramiz. Mavjud fanlarimiz talabalarga universitetning ijtimoiy va global missiyasini aks ettiruvchi ta’limni, shuningdek, universitetlararo ta’lim imkoniyatlarini taqdim etadi.

Biz universitet va ishlab chiqarish o‘rtasida bilim va texnologiyalar almashinuvini qo‘llab-quvvatlaymiz. Shu maqsadda kompaniyalar, universitetlar, maktablar hamda ilmiy-tadqiqot institutlari bilan strategik hamkorlikni amalga oshiramiz. Spin-off loyihalar orqali innovatsiyalarni rag‘batlantiramiz hamda universitetimiz talabalari va xodimlarini o‘z kompaniyalarini tashkil etishda qo‘llab-quvvatlaymiz. Biz mintaqaviy va milliy darajadagi jamoatchilik muhokamalarida ishtirok etamiz hamda bitiruvchilarimiz bilan mustahkam aloqalarni rivojlantirishda davom etamiz.

TATU inson resurslarini uzluksiz rivojlantirish uchun qulay muhitni ta’minlaydi. Universitetning maqbul tashkiliy va boshqaruv tuzilmalarida jamiyatning barcha ijtimoiy guruhlari faol ishtirok etadi. Biz o‘z imkoniyat va resurslarimizdan taraqqiyot maqsadlarida xavfsiz va ekologik jihatdan mas’uliyatli tarzda foydalanamiz. Bitiruvchilarimiz va yosh tadqiqotchilarimiz uchun mehnat bozorida o‘z o‘rnini topishlari va ish bilan ta’minlanishlari uchun barcha zarur imkoniyatlarni yaratamiz.